Condiciones xenerales 

• La compra d´entraes de grupos de más de 20 persones tien que se facer al traviés del teléfonu d´información y reserves 902 306 600 / 985 185 860 o nel corréu electrónicu reservas@turismoycultura.asturias.es.
• Les entraes pa visitar el Parque o pa participar en dalguna de les actividaes qu’entama puen sacase al traviés del teléfonu 985 122 553  tolos díes de 17:00 a 19:00 hores. 
• Primero de sacar la entrada consulte les tarifes y los horarios. Ye obligación del veceru llegar en tiempu de sobra pa poder realizar la visita de forma afayadiza.
• La entrada va ser válida namás pal día y horariu indicáu na entrada. Ye obligación del visitante tener la entrada a lo llargo de tola visita.
• Nun s´almiten devoluciones nin cambéu d´entraes por cancelación del veceru o por nun llegar cola antelación necesaria. Tampoco nun s´almiten cambeos de fecha nin cambeos na tipoloxía d´entrada.
• Les entraes adquiríes con descuentu o tarifa especial van tener que xustificar esti derechu con un documentu acreitativu nel accesu al recintu. En casu de nun presentar la xustificación correspondiente, nun va tener validez.
• Nun se va volver la entrada en casu de perda, deterioru, robu o destrucción.
• Los neños tienen de dir acompañaos en tou momentu d´un adultu al so cargu (nun siendo cuando se tean desenvolviendo actividaes infantiles).
• La organización acuta pa ella´l derechu d´alteriar o modificar la programación d´eventos en cada recintu. En casu d´anulación, la organización comprométese a la devolución del importe de la entrada.
• Les entraes nun incluyen l´accesu a determinaes actividaes complementaries como pueden ser talleres didácticos o esposiciones temporales que pueden tener un costu adicional.

Información importante pa la visita al Parque de la Prehistoria de Teberga 

• L´horariu de la so entrada ye´l de la visita guiada a la Cueva de Cueves. La visita a la Cueva de Cueves realízase namás con visita guiada, mentes que la visita a la Galería pue facese por llibre en cualquier momentu dientro del horariu del Parque. Consulte les frecuencies de visites guiaes na Galería nel apartáu Visites de la web.
• Si fixo la compra d´una entrada online, diríxase a la zona habilitada nel edificiu de la recepción del Parque pa validar la so entrada con polo menos 15 minutos d´antelación. Imprescindible máxima puntualidá.
• La visita a les corralaes d´animales nun rique la compra d´una entrada. Tanto la corralada d´animales como l´área infantil, zona de picnic y aparcamientu permanecen abiertos n´horariu ininterrumpíu dientro del horariu d´apertura del Parque.
• Nun ta permitío dar de comer a los animales nin pasar les valles de seguranza de les corralaes.
• Nun ta permitío l´accesu con mascotes nos espacios interiores y nos espacios al aire llibre del recintu han dir bien suxetos con correa.
• Nun ta permitío fumar nin introducir bébora o comida nos espacios interiores.
• Nun ta permitío sacar semeyes nin filmaciones nel interior de la Cueva de Cueves nin introducir bébora o comida. Na Galería si ye posible sacar semeyes y filmar ensin usu de trípode. Nun ye aconseyable sacar semeyes con flax a los animales.
• Pa visitar de forma cómoda´l Parque aconséyase 2 hores aproximao.
• Pa la realización de talleres ye imprescindible dirixise al área de recepción 15 minutos primero.
• Los talleres que se realicen nel esterior tán supeditaos a la climatoloxía.
• Al presentar la entrada nel Muséu del Xurásicu d´Asturies o nel Centru d´Arte Rupestre de Tito Bustillo, va aplicase la tarifa reducida. 

Compra d´entraes