Con audioguía (al traviés d’aplicación móvil)

Garrando como base una aplicación móvil, el veceru pue descargar el percorríu en dellos idiomes: castellanu, inglés, francés y alemán. El Parque dispón tamién de dalgún terminal n’empréstamu. La visita a la Cueva de Cueves siempre va ser guiada.

Por llibre a la Galería y con visita guiada a la Cueva de Cueves

La parte museística del Parque, la Galería, pue visitase de forma llibre nel horariu d’apertura del mesmu. Aconséyase disponer polo menos de 40 minutos pa poder visitar esti edificiu de forma cómoda. El visitante va cuntar con personal de sofitu nel edificiu p’acoyida, esplicaciones curties, xestión de consultes, etc. La visita a la Cueva siempre ye guiada pola mor de les sos característiques (accesu, escuridá asemeyando una cueva, etc).

Con visita guiada a la Galería y a la Cueva de Cueves

El Parque entama percorríos guiaos pa realizar un viaxe a la Prehistoria al traviés d’esplicaciones curties y cola interpretación de les reproducciones de les cueves más significatives.

La visita guiada dura una hora (40 minutos de percorríu guiáu na Galería y 20 minutos de visita a la Cueva de Cueves).

Horarios visites guiaes a la Cueva y/o Galería

Pa realizar la visita ye imprescindible adquirir la entrada polo menos 15 minutos primero.

Del 1 al 28 de febreru y del 1 de payares al al 31 d’avientu del 2018:

• Miércoles, xueves y vienres, visita guiada a la Cueva de Cueves+Galería, a les 13:30 y 17:00 h.
• Fines de selmana y festivos: visita guiada a la Galería, a les 11:00 h. Visita guiada a la Cueva de Cueves, a les 12:30, 13:45, 16:00 y 17:30 h.

Del 1 de marzu al 30 de xunu y del 1 de setiembre al 31 d’ochobre del 2018:

• Miércoles, xueves y vienres, visita guiada a la Cueva de Cueves+Galería, a les 13:30 y 17:00 h.
• Fines de selmana y festivos: visita guiada a la Galería, a les 11:00 h. Visita guiada a la Cueva de Cueves, a les 12:30, 13:45, 17:00 y 18:00 h.

Del 1 de xunetu al 31 d’agostu del 2018:

• Tolos díes, visita guiada a la Galería, a les 11:00 h. Visita guiada a la Cueva de Cueves, a les 11:30, 13:30, 16:00, 17:00 y 19:00 h.

Puntualmente, dalguna de les frecuencies pue vese alteriada por cambeos na programación.

Visites guiaes al área d’animales

Una oportunidá pa descubrir munchos datos llamativos sobre l’orixe, comportamientu, dieta o hábitat de los exemplares de bisonte européu, caballos Przewalski y uros de Heck que s’atopen nuna zona adaptada del Parque de la Prehistoria de Teberga. Consultar les frecuencies n’apartáu d’Axenda de la web.