DESCARGAR PROGRAMA ESCOLAR 2026-2027

Conecta col Parque

Alcuentru online

La visita al Parque ye una actividá qu’hai que planificar con antelación. Polo tanto, proponemos una reunión vía Teams onde vamos presentate’l nuestru centru, les instalaciones, los servicios qu’ufiertamos y la propuesta de visites y actividaes pa escolinos, amás del material didáctico y pedagóxico col que cuntamos.

Feches: a demanda.

Condiciones: precísase reserva previa con un mínimu de dos selmanes d’antelación.

Cómo participar: esta actividá ye gratuita y precisa de reserva previa al traviés del corréu reservas@turismoycultura.asturias.es.

Tipos de visita

  • Grupos hasta 50 persones. Pueden atendese namás dos grupos de manera simultánea.
  • La visita o’l taller pue facese n’inglés ensin costu adicional. 
  • Si yá nos visitasti y quies facer otra actividá, ponte en contactu con nosotros y, a tenor del númberu de persones del grupu y edá, vamos diseñar l’actividá que más s’afaiga al grupu.

*Tarifes pal añu 2026. Los precios pueden revisase anualmente y sufrir un incrementu qu’aveza a ser equivalente a la xuba del IPC.

 

Visita guiada al Parque

Un percorríu guiáu (1 hora) adaptáu a tolos ciclos educativos pela Galería y la Cueva de Cueves pa facer un viaxe a la Prehistoria al traviés d’esplicaciones curties y cola interpretación de les reproducciones de les cueves más significatives.

El Parque tamién se pue ver por llibre con ayuda d’una guía de mano (castellanu, asturianu, inglés, francés y alemán) o al traviés de l’audioguía de l’APP móvil (castellanu, asturianu, inglés, francés y alemán).

Preciu: 3,62 € por participante*.

 

Talleres didácticos

Completa la visita al Parque con una esperiencia didáctica (1 hora) adaptada a tolos ciclos educativos y centrada en dellos aspectos de la Prehistoria: caza, pintura, illuminación, materiales, formes de vida, etc.

reciu: 2 €/participante*. Nun incluye entrada al Parque.
 

Visites guiaes nel esterior del Parque

Dos percorríos guiaos de 40 minutos de duración adaptaos a tolos ciclos educativos: 

  • Conociendo los animales del Paleolíticu: ¿damos una vuelta? Un percorríu guiáu pelos zarros d’animales del Parque, onde conviven bisontes, caballos tarpanes y Przewalski, uros, gamos y venaos; pa conocer la so historia, ónde viven, qué comen, cómo se comporten... Dalguna d’estes especies tán en peligru de desaniciase y tienen en común que se representaron polos nuestros antepasaos nes cueves.
  • Pasiando pela naturaleza en Los requexos del osu. L'itinerariu Los requexos del osu  percuerre en menos de 1 quilómetru dir y volver les especies principales de flora y fauna que se pueden atopar na contornada. El Parque pon a disposición de los centros d’enseñanza’l mapa ‘Los requexos del osu’ adaptáu al públicu infantil y mozo y disponible en castellanu y asturianu.

Preciu: 2 €/participante*. Nun incluye entrada al Parque. Los zarros tamién se pueden recorrer por llibre ensin costu.
 

Otres actividaes

De la mano d'Avancines, dos propuestes lúdiques adaptaes a tolos ciclos educativos. Un complementu perfectu a la visita al Parque. 

  • Escape Hall: L’arqueoloxía. Vamos convertinos n’espertos arqueólogos y arqueólogues pa descubrir cuándo desapaeció un oxetu famosu, quién lu robó y ónde lu escuende. Actividá aconseyada pa los meses d’iviernu.
  • Yincana ¿Cuál ye’l to clan? Xebraos en clanes, vamos superar delles pruebes: la caza del mamú, el señor del fueu, busca de resclavos, histories prehistóriques y la muela del mamú... Actividá nel esterior, aconseyada nos meses de primavera.

Preciu: 4 €/participante.

Duración: 1 hora.

Condiciones: actividaes disponibles los vienres con una reserva de lo menos una selmana d’antelación.

Pa trabayar nel aula

Maleta didáctica

La nuestra maleta didáctica viaxera contién répliques d’útiles prehistóricos ellaboraos en güesu, piedra, cuerna o madera qu’usaben los nuestros antepasaos pa la caza, pesca, recolección o pintura. Puedes trabayar con esta maleta en dos formatos: el nuestru monitor/a pue dir al centru escolar y facer un taller de formes de vida col grupu escolar o pue pidise n’empréstamu pa trabayar de manera autónoma coles fiches esplicatives disponibles pa descargar. 
 

Material didáctico

El Parque dispón de material complementario d’apoyu pa la preparación primero de visitar el centru, una guía didáctica d’apoyu docente y una unidá didáctica con exercicios dirixida al ciclu de Primaria. Disponible en castellanu, inglés y llingua asturiana:

 

Otros recursos prehistóricos

Recursos didácticos gratuitos como vídeos, talleres y demostraciones, tutoriales, xuegos, etc. n’apartau Multimedia de la web del Parque.

Xestiona la to reserva

Novedaes pa esti cursu: el Parque de la Prehistoria de Teberga modernizó parte de la so infraestructura tecnolóxica con Fondos Europeos Next Generation: un sistema de proyección na Cueva de Cueves déxanos contemplar, de forma clara y envolvente, les figures recreaes nes reproducciones, y una gran pantalla táctil y interactiva na Galería va ayudanos a comprender meyor les formes de vivir na Prehistoria. Amás, tenemos una réplica nel esterior del Parque, un Smilodon (dientes de sable).

Xestiona la to reserva:

  • los teléfonos 902 306 600 - 985 185 860. Nesti teléfonu tamién vamos resolver toles duldes que surdan al pensar na visita al Parque.
  • al traviés del mail reservas@turismoycultura.asturias.es unviando formulariu de reserva. 

SOLICITÚ DE RESERVA CURSO ESCOLAR 2026-2027

Condiciones de visita y forma de pagu

 

El día de la visita ye menester que polo menos un/a docente acompañe a cada grupu y tea pendiente del alumnáu tanto de la que se desenvuelvan les actividaes como na tienda o cafetería del equipamientu.