Trece espectáculos y diez talleres formen la programación didáctica de Llaboral Ciudá de la Cultura pal cursu 2026/2027, con opciones pa escolinos de toles etapes educatives.
Compañíes asturianes, cántabres, madrilanes y de la Comunidá Valenciana van valise de la palabra, la danza, la música y les técniques circenses pa ufiertar a los estudiantes del Principáu mil histories que van estimular la so creatividá y van fortalecer el so pensamientu críticu, al tiempu que reflexonen sobre la nuestra historia, la emigración o la ecoloxía.
Amás, esti cursu, l’alumnáu asturiano va poder esperimentar colos polímeros o construyir el so propiu volcán; aprender sobre la indumentaria de los nuestros antepasaos o les muyeres artistes y intelectuales de la Xeneración del 27; gozala cola música, la pintura y les llingües, o tener un alcuentru lliterariu con Gloria Sagasti.
DESCARGAR PROGRAMA ESCOLAR LABORAL CIUDAD DE LA CULTURA 2026-2027
Programa artísticu
Toles sesiones van facese n’horariu de mañana y el preciu de les entraes va ser de 1 euru por alumnu/a (sacando p’Arde la viesca, espectáculu gratuitu en llingua asturiana por cuenta del Día de la Llingua Materna).
- 26 d’ochobre del 2026, En la casita Klimt d’Escena Miriñaque (Educación Infantil y primer ciclu d’ Educación Primaria).
- 9 de payares del 2026, Mambrú volvió de la guerra de Factoría Teatro (Educación Primaria).
- 23 de payares del 2026, Destroyando de Teatro del Cuervo y Pájaros Pintados Creación (3.u y 4.u d’Educación Secundaria y Bachilleratu).
- 14 d’avientu del 2026, Dibújame una palabra de Luz de Gas (tercer ciclu d’Educación Primaria).
- 25 de xineru del 2027, Telajuegas de Quetramas Teatro (Educación Infantil y primer ciclu d’Educación Primaria).
- 1 de febreru del 2027, Lo que vuelve a casa y otros árboles de Peloponeso Teatro (segundu y tercer ciclu d’Educación Primaria).
- 15 de febreru del 2027, Salinas, cartografía de Los sueños de Fausto (Educación Secundaria y Bachilleratu).
- 1 de marzu del 2027, Arde la viesca d’ElektraFiktion (Educación Primaria).
- 15 de marzu del 2027, La rata Marieta de L’Orta Teatre (Educación Infantil y primer ciclu d’Educación Primaria).
- 5 d’abril del 2027, Postales rotas de Zig Zag Danza (Educación Secundaria y Bachilleratu).
- 12 d’abril del 2027, Cateura d’Alas Circo Teatro (Educación Primaria)
- 26 d’abril del 2027, espectáculu didácticu de danza y música del Conservatoriu Profesional de Música y Danza de Xixón (Educación Primaria).
- 17 de mayu del 2027, La costurerita valiente de Xarop Teatre (Educación Infantil y primer ciclu d Educación Primaria).
Consulta los detalles de los espectáculos nel programa escolar.
Programa de talleres
Los talleres van facese n’horariu de mañana y tienen un preciu de 4 euros por alumnu/a.
- 23 d’ochobre del 2026 y 12 de marzu del 2027, Katia Krafft, exploradora de volcanes (Educación Infantil). Impartíu por: Eva Ervas (L’osservatorio di Eva).
- 11 de payares del 2026 y 29 de marzu del 2027, Artemáticas (Educación Primaria). Impartíu por: Cometa Verde.
- 27 de payares del 2026 y 7 de mayu del 2027, Laboratorio de experimentos científicos: los polímeros y sus asombrosas propiedades (Educación Primaria). Impartíu por: Eva Ervas (L’osservatorio di Eva).
- 3 d’avientu del 2026 y 4 de marzu del 2027, Pintar sobre los muros: taller artístico sobre Keith Haring (Educación Primaria). Impartíu por: Adria Parravicini.
- 22 de xineru y 12 de febreru del 2027, Vistiéndonos como antaño (Educación Primaria y 1º y 2º de Educación Secundaria). Impartíu por: Rosa Cuervo (Aladanza Educación y Tradición).
- 26 y 27 de xineru del 2027, Las Sinsombrero. Las mujeres de la Generáción del 27 (3.u y 4.u d’Educación Secundaria y Bachilleratu). Impartíu por: Guayominí Producciones.
- 16 de febreru y 7 d’abril del 2027, Todo empieza cantando (Educación Infantil). Impartíu por: El Arca de Mozart.
- 1 y 2 d’abril del 2027, Gloria Sagasti y Ramón Román Rodrigo: encuentro literario (Educación Primaria; recomendáu sobre manera de 1.u a 4.u cursu). Impartíu por: Pintar-Pintar Editorial y Gloria Sagasti.
- 28 d’abril y 18 de mayu del 2027, Tinta ferrogálica (dende 4.u d’Educación Primaria a 2.u de Bachilleratu). Impartíu por: Blinca Servicios Culturales y d’Ociu.
- 13 y 14 de mayu del 2027, El inglés a escena (Educación Primaria y Educación Secundaria, coles adaptaciones correspondientes). Impartíu por: Guayominí Producciones.
Programa de visites
- Alcuentru online col profesoráu y monitores de centros educativos. Alcuentru online vía Teams a demanda del centru educativu. Ye preciso acutar con lo menos 2 selmanes d’antelación.
- Descubriendo la Llaboral. Visita guiada al edificiu históricu. Dirixida a: tolos ciclos educativos. Preciu: 4,50 €/participante. Miércoles, visita de baldre pa escolinos d'Educación Infantil, Primaria, Secundaria, Bachilleratu y Ciclos Formativos de Grau Mediu. La xubida al Mirador de la Torre namás va poder facese pa grupos de máximu 30 persones.
- Xubida al Mirador de la Torre. Dirixida a: tolos ciclos educativos. Preciu: 2,50 €/participante. Miércoles, visita de baldre pa escolinos depués de solicitalo.
- Otres posibilidaes de visita: percorríu pel edificiu históricu y taller didácticu (disponible de llunes a vienres); percorríu pel edificiu históricu y visita al Xardín Botánicu Atlánticu (disponible de martes a vienres); percorríu pel edificiu históricu y espectáculu del nuestru programa escolar (disponible según programación artística); y percorríu pel edificiu históricu y visita a la RTPA (consultar disponibilidá de RTPA en visitas@rtpa.es).
Descubri Llaboral Ciudá de la Cultura con Marco Topo: una aventura educativa p’alumnáu de Primaria
Una yincana dixital innovadora, diseñada pa ufiertar al alumnáu d’Educación Primaria una esperiencia educativa prestosa que da a conocer el patrimoniu y la historia d’esti complexu arquitectónicu. Hai que facer la visita en compañía de guía de la Llaboral (imprescindible reserva previa). Los espacios a visitar van depender de l’actividá del recintu, cuestiones operatives y/o meteorolóxiques, y puen variar en función de la fecha escoyida.
Marta y Marco Topo son los personaxes que guíen al alumnáu al traviés de dellos desafíos y preguntes que los conviden a esplorar el complexu. Esti proyectu tien como oxetivu fomentar el conocimientu de la historia y patrimoniu de Llaboral Ciudá de la Cultura, promover el trabayu n’equipu y desenvolver habilidaes d’investigación ente escolinos.
Duración: 2 hores.
Preciu: 5 €/participante.
Reserves al traviés del mail promocioncultura@turismoycultura.asturias.es.
Imprescindible reserva previa pa toles actividaes y visites
Reserves
Les reserves pueden tramitase:
- Per corréu electrónicu, unviando formulariu de reserva a esti mail.
- Per teléfonu nel 902 306 600/985 185 860. Nesti teléfonu vamos resolver toles duldes que te surdan al programar la to visita a Llaboral Ciudá de la Cultura.
Aula de cine
Más información sobre l’Aula de Cine de Llaboral Cinemateca
Vamos imaxinar! en casa
Vuelve realizar o prueba la primer vez los talleres virtuales de Llaboral Ciudá de la Cultura pa públicu escolar y familiar.
Consultar Condiciones de visita y forma de pagu programa escolar
